Skráset teg hjá Fjølrit fyri at fáa útgoldið títt viðurlag.
Hevur tú spurningar ella viðmerkingar í sambandi við skrásetingina, kanst tú skriva til: skraset@fjoelrit.fo ella ringja á 238601
Soleiðis verða upplýsingarnar viðgjørdar
Tá ið tú meldar teg til sum rættindahavi, verða tínar upplýsingar goymdar í dátagrunni Fjølrit. Persónupplýsingar verða viðgjørdar og nýttar í trúnaði og í samsvari við galdandi lóggávu um dátutrygd. Omanfyri eru tíni rættindi lýst, og hví og hvussu tínar persónupplýsingar verða viðgjørdar:
1. Dátuábyrgdari:
Fjølrit
Postsmoga 62
110- Tórshavn
v-tal: 429198
Sum skrásett/ur hevur tú rætt til at fáa innlit í, hvat vit hava skrásett, fáa rættað skeivleikar og at fáa strikað ella avmarkað upplýsingarnar. Skriva til skraset@fjoelrit.fo
2. Endamálið við viðgerðini av persónupplýsingunum
Upplýsingarnar verða brúktar fyri at kunna rinda út viðurlag, tá ið tíni verk vera brúkt, har Fjølrit hevur avtalu við brúkaran. Upplýsingarnar verða eisini brúktar til at kunna savna hagtøl um, hvussu nýtslan er býtt ímillum listagreinar.
Hetta samsvarar við viðtøkur Fjølrit, grein 1.3:
1. at gera sáttmálar við brúkarar um viðurlag fyri at brúka tey verk, sum limir limafelaganna skapa
2. at krevja inn, umsita og býta út viðurløg fyri at brúka nevndu verk
3. at fáa til vegar upplýsingar til at styrkja grundarlagið undir viðurlagskrøvum sum mest
Flokkar av persónupplýsingum og rættargrundarlagið undir viðgerðini
Fjølrit hevur loyvi frá Mentamálaráðnum at virka sum rættindafelagsskapur í samsvari við § 40 stk. 1 í løgtingslóg um upphavsrætt. Fjølrit viðger persónupplýsingar sum navn, sambandsupplýsingar, kontunummar, p-tal, limaskap í listafelagi og upplýsingar um verk. Fjølrit hevur loyvi frá Dátueftirlitinum at savna inn og viðgera hesar upplýsingar, sum lýst í nr 2.
3. Hvaðan koma upplýsingarnar?
Brúk verður skrásett:
Fjølrit savnar inn upplýsingar frá stovnum, sum hin avtaluparturin varðar av, td KvF og miðnámsskúlar, og er tá talan um upplýsingar av slagnum: upphavsfólk, føðiár, verkheiti og útgávuár.
Upplýsing frá tær:
Tá ið tú fyllir út annaðhvørt pappírskjal ella talgildan frymil á heimasíðuni fyri at skráseta rættindahava.
4. Hvussu leingi persónupplýsingarnar verða goymdar
Fjølrit goymir tínar persónupplýsingar so leingi, tað er neyðugt fyri at tryggja tíni rættindi. Tað er ikki til at vita, nær títt verk verður brúkt næstu ferð, og tí vera upplýsingarnar, um ikki annað verður biðið um, varðveittar alla tína lívstíð, og til arvaviðurskiftini eru viðgjørd endaliga.
Upplýsingar um navn og verk verða goymdar til allar tíðir, sambært § 3 í upphavsrættarlógini um upplýsing av upphavsfólki.
5. Geva upplýsingar víðari
Fjølrit gevur víðari tær upplýsingar, sum eru neyðugar fyri at kunna rinda viðurlag, tað veri seg til
Bankan: kontonummar, upphædd og møguliga p-tal ella v-tal fyrstu ferð
Taks: p-tal, navn, bústaður, upphædd og tíðarskeið upphæddin er forvunnin (latið jan. árið eftir)